Third round-ah Swiatek a lut

Italian Open champion lai Iga Swiatek chuan wildcard hmanga inlan Elisabetta Cocciaretto chu straight set hmanga hnehin third round a inhlangkai a, a nomawi humhim turin kawng dik a zawh.

Polish nula Swiatek hian hnehna chang turin hun a mamawh rei lo, minute 52 chhung lekin Italian player Elisabetta Cocciaretto hi 6-0, 6-1 in a sawp, a match lehpekah chuan Danielle Collins a tum leh ang.

Inkhel dangah American player Collins hian Romanian nula Gabriela Ruse chu 6-3, 6-3 in a lo hneh ve thung a, a hmabak tur hi Swiatek a nih tawh dawn avangin a awlsam dawn lo.

Naomi Osaka pawhin result duhawm a nei, fa a neih hnua nomawi chawi leh thei tawh Osaka hian Viktorija Golubic chu 2-6, 7-5, 6-1 in a hneh a, tun hma lam ang lo takin clay court season a hmang ṭha hle.