MotoGP champion Marquez

Marc Marquez chuan Japan Grand Prix-ah hnehna a chang. Honda rider hian point 273 hmuin kuminah intlansiak hmabak pathum la nei mah se umphak theih a ni tawh loh avangin MotoGP 2016 champion a ni. Championship-a Spanish rider la umphak thei Yamaha pair Valentino Rossi leh Jorge Lorenzo te an chetsual avangin an tlan tluan thei lo.

Nimin khan Japan Grand Prix hi tlan niin pahnihna aṭanga bul ṭan-tu Marquez hian lap 24 chu minute 42 leh second 34.610 chhungin a thleng a, pahnihna Andrea Dovizioso nen an inthlauhna chu 2.992secs niin pathumna chu Maverick Vinales a ni thung.

Kum 23-a upa Mar-quez hi 2013 leh 2014 sea--son-ah khan a lo champion tawh bawk a, MotoGP-ah title pathum la thei naupang ber a ni.

Spanish rider Marquez chuan, "Ka elpui ten na takin min nawr reng a, lap 19 tlan hmabak kan neihin Rossi a chesual a, lap nga chauh tlan tur a awm tihah Lorenzo a vanduai leh bawk - a mak ang reng hle. Vawiin hian ka hlim a, hnehna ka chan bakah champion ka ni hi nuam ka ti tak zet," a ti. Marquez hian a champion chu kumin May thlaa thi a pi tan a hlan thu a sawi bawk.

Japan GP results

# Rider Ram Team

1 Marc Marquez Spain Honda

2 Andrea Dovizioso Italy Ducati

3 Maverick Vinales Spain Suzuki

4 Aleix Espargaro Spain Suzuki

5 Cal Crutchlow Britain Honda

Championship standings

# Rider Ram Team Points

1 Marc Marquez Spain Honda 273

2 Valentino Rossi Italy Yamaha 196

3 Jorge Lorenzo Spain Yamaha 182

4 Maverick Vinales Spain Suzuki 165

5 Dani Pedrosa Spain Honda 155