Muanpuia aia vannei Anthony

LPS Pro Fight 2016 chu Inrinni zan khan R. Dengṭhuama Indoor Stadium, Mualpuiah a zo ta. Title Fight neih hmain Lightweight-in ngaihven a hlawh a, inelna neih zawh hnua Anthony Lalduhawma'n champion lai Lalmuanpuia a hneh danin sawi zui a hlawh bawk.

Lawmman

Mipa inelnaa weight tina champion hian Rs 40,000 an dawng a, pahnihnain Rs 10,000 an dawng ve bawk. Hmeichhe inelnaa champion-in Rs 20,000 an hnek chhuak a, pahnihnain Rs 10,000 an dawng thung.

Roro Polymers best boxer-ah bantam champion Zonun-tluanga thlan a ni a, best referee-ah R Lalbiaksangi thlan niin best judge chu Lalchhanhima Hnamte a ni.

Undefeated Anthony

Pro Fight-ah Anthony Lalduhawma'n hneh loh a la tawng lo. Govt Complex tlangval hian kum 2010 leh 2011 khan kumin final-a a hmachhawn Lalmuanpuia hnehin kawnghren a lo kawl tawh. Anthony tel loh ṭumin Khatla tlangval Muanpuia'n Pro Fight Title ṭum thum a la tawh thung.

Inrinni zan khan Pro Fight bika a vawi thum nan an in-tawng a, Muanpuia leh An-thony hi an inhnehtawk hle. Judge pakhatin 38-38 in point a pe a, judge pahnih dang erawhin boxer pahnih hi 39-37 ve vein an chaktir thung. Pro Fight dan hman mekah chak zawk an awm a ngaih avangin jury laka mittlung zawk Anthony a vannei a, Govt Complex tlangval-in a vawi thum nan a elpui Muanpuia hnehin inelna vawi thum a hmachhawnah a champion vek.

Record thar

Middleweight champion lai Johnkenty HC Vanhlimpuia'n Pro Fight history-a weight pahniha champion hmasa ber ni turin light heavyweight-ah a inziak lut. Tuipui tlang-val Johnkenty hi round hma-sa berah champion lai PC Lal-muankima lakah chungnung lo mah se round hnihnaah boxer ṭha zawk a dingchang. Tuipui tlangval Johnkenty-a'n round 2-na minute 1:46-naah Saron Veng tlangval Muankima a knockout.

Johnkenty hi kum 2014 leh 2015 khan middleweight-ah a champion a, light heavyweight-a a champion leh zui tak avangin ProFight-a a record hi a chhuanawm takzet.

Inhnek dang

Lightfly-ah champion lai Siaha tlangval NT Lalbiak-kima'n round 1-na lekah Lal-thanga chu technical knockout hmangin a hneh a, profight inelna vawi thum a hmachhawn tawhah hneh loh la tawng loin tun hi a zawna vawi thum a champion-na a ni.

Bantam-ah Dinthar tlang-val Zonuntluanga'n chiang takin champion lai HC Lalramfela a hneh a, champion thar kan hmu.

Middleweight-ah tawn-hriat nei ṭha zawk Sawleng tlangval Zarzoliana'n round 3-naah a khingpui C. Lalduhawma a knockout a, hemi weight bika vawi thum champion hmasa ber a ni. Hmeichhe inelnaah Khawbung nula Vanlalduati leh Saron nula Lalbuatsaihi te an dingchang bawk.

Title Fight Result Kimchang

Lightfly

NT Lalbiakkima (Siaha) bt Lalthanga (Bungkawng Vengthar)

Technical knockout (Round 1, minute 1:34)

Bantam

Zonuntluanga (Dinthar) bt H.C. Lalramfela (Bawngkawn)

Unanimous decision (40-35, 40-35, 40-35)

Light

Anthony Lalduhawma (Govt Complex) bt Lalmuanpuia (Khatla)

Jury decision (37-39, 39-37, 38-38)

Middle

Zarzoliana (Sawleng) bt C Lalduhawma (Leitan)

Knockout (Round 3, minute 1:20)

Lightheavy

Johnkenty HC Vanhlimpuia (Tuipui) bt PC Lalmuankima (Saron Veng)

Knockout (Round 2, minute 1:46)

Hmeichhia

Fly

Vanlalduati (Khawbung) bt R. Lalruatfeli (Edenthar)

Unanimous decision (39-37, 39-37, 39-37)

Light

Lalbuatsaihi (Tuithiang) bt Lalhriatpui Jahau (Champhai Vengthar)

Unanimous decision (40-36, 39-37, 40-36)