Subroto Cup U17 Vawiinah Mizoram Vs SAI

Mizoram Under 17 team-in Su-broto Cup Football Tournament quar-terfinal thleng turin an match hnuhnung berah Bangladesh an sawp. Vawiin hian Ambedkar Stadium, Delhi-ah quarterfinal khelh tur a ni a, Mizoram hmachhawn tur hi Sports Authority of India (SAI) an ni.

Mizoram hi Group F-ah awmin NCC, West Bengal nen point 11 ve ve an hmu a, R. Lalmuankima kaihhruai team hian group stage match nga lekah goal 37 zet an khung avangin goal difference hmangin knockout stage an lut.

SYS coach Muankima chuan, "Ka beisei angin la khel chhuak lo mah se an theihna zawng zawnga an khelh ṭhin avangin ka naute chungah ka lawm. Group match zawng zawng hi New Wellington Camp ground-ah kan khel a, Ambedkar Stadium-ah kan vawi khat khelhna tur a ni a, kan talbuai loh hram ka beisei," tiin Vanglaini palai a hrilh.

Quarterfinal Kalkawng

Mizoram 1 - 1 NCC, West Bengal

MIZ : Silvana R. Lalruatkima

Mizoram 1 - 1 Sikkim

MIZ : C. Lalduhawma

Mizoram 25 - 0 Car Nicobar

MIZ : C. Lalduhawma (7); Zothansanga (5); VL Remruata (4); Silvana Lalruatkima (2); HK Lalhruaitluanga (2), Lalruatfela Tlau (2), Lalrintluanga (2); Lalmalsawmtluanga (1)

Mizoram 2 - 1 Railways

MIZ : Lalmalsawmtluanga; M. Lalrintluanga

Mizoram 8 - 0 Bangladesh

MIZ : Lalmalsawmtluanga; Lalrintluanga (2); C. Lalduhawma (2); V.L. Remruata; M. Lalrintluanga; H.K. Lalhruaitluanga.