Juventus tan Dybala

Serie A champion lai Juventus chuan Paulo Dybala goal hnih hmanga Udinese hnehin a zawnin league match nga chhung hnehna an chang ta. Turin-ah hian a zawnin match 20 chhung zet league match bikah hnehna an channa chiah a ni bawk.

Argentina interna-tional Dybala hian free kick leh penalty aṭangin goal a khung a, match a khelh hnuhnung pathum aṭangin goal li a khung ta. Season hmasa league goal 19 khungtu forward hian season duhawm a hmang mek.

Juve manager Mas-simi-liano Allegri chuan, "Season tawpa nomawi chawi tur chuan inkhelh apianga point hmuh a pawimawh. Vawiinah pawh khan Udinese khan na takin min nawr a, point thum kan hmu thei kha chu kan vannei," tiin a sawi.

Inkhel dangah AS Roma tan Edin Dzeko a inlar a, Manchester City striker hlui hian goal hnih khungin Mohamed Salah-a'n goal khat thawh vein an elpui Napoli lakah 3-1 in hnehna an chang.