Delhi mualah Higlanders an zam lo

Northeast United-in Delhi Dynamos khel-mual-ah hnehna chang zo lo mah se Indian Super League-ah hma an hruai chhunzawm zel a, khualmualah Delhi hi 1-1 a inhnehtawkpuiin point khat hlu tak an hlawh chhuak.

Delhi-a fans 27,000 pungkhawm hmaah Kean Lewis-a'n mualneitu team tan goal hmahruai khung mah se Highlanders tan Emiliano Alfaro chuan a chet ṭhat a chhunzawm zel a, Lazio striker hlui hian second half-ah si phurh sutna goal a khung - ISL match nga a khelh tawhah goal li a khungna a ni ta.

Mualneitu team tan a dan pangngaiin Lal-chhawnkima'n inkhel bul a ṭan a, NorthEast United rawlthar Lalrempuia Fanai chu tun season ISL-a a inlanna hmasa ber ni turin second half-ah tlan luhtir a ni bawk.

Zirtawpni zan khan Kerala Blasters chuan an chak hmel hmasa ber an hmu bawk a, hneh loh la tawng lo Mumbai City chu Newcastle United stri-ker hlui Michael Chop--ra goal khung hmangin 1-0 in an hneh.

Mumbai City tan David Lalrinmuana chuan a ISL match hmasa ber khelin bul a ṭan a, North Mualcheng tlangval Lalhmangaihsanga Ralte chu rin loh takin bench-ah dah ni mah se second half-ah tlanluhtir leh tho a ni.

Mimal Lawmman

Delhi Dynamos vs NorthEast United

Emerging Player of the Match Kean Lewis, Delhi Dynamos

Hero of the Match Emiliano Alfaro, NorthEast United

Kerala Blasters vs Mumbai City

Emerging Player of the Match Aiborlang Khongjee, Mumbai City

Hero of the Match Michael Chopra, Kerala Blasters

Zanin Inkhel Tur

FC Pune City 07:00 PM Kerala Blasters