World Championship-a inlan tur Lalrinnunga

Weightlifter Jeremy Lalrinnunga chuan 2016 IWF Youth World Championship-a inlan turin nimin khan Aizawl a chhuahsan. October 19-25 chhungin Penang, Malaysia-ah inelna hi neih tur niin India tana Mizo kal awm chhun a ni.

Youth World Championship-ah hian kum 1999 - 2003 inkara piang chin mipa leh hmeichhia an inel dawn a, category hrang hrang 15-ah
ṭhenhran niin Govt. Complex rawl-thar hi 56kg category-ah a khel ang.

Kumin February thla a neih 11th Youth Sub-Junior Boys & Girls National Weightlifting Championship-ah khan SYS aṭanga bulṭan Rinnunga hian snatch -90 kg, Clean & Jerk -108 total -198 kg chawiin gold medal a la a, National Sub-Junior record thar snatch-ah a siam tawh.

Army Boys, Pune-a training nei Rinnunga hi September thla khan India aiawh tur thlanna Patiala, Punjab-a neihah khan inlan lehin IWF World Youth Weightlifting Championship bakah October 25-29 chhunga neih tur Commonwealth Youth, Junior & Senior leh No-vember thla a neih tur Asian Youth & Junior Tokyo-ah te inlan tura thlan a ni. Tuna a record thar ber chu Snatch 111, Clean & Jerk 127 - total 233kg niin India tan medal dawn beiseina ber pakhat a ni.