Djokovic a tla

World number 1 Novak Djokovic chu kum 2010 hnu lama a vawi hnih nan ATP World Tour Masters 1000 event-ah a chak lo. Djokovic hi Inrin-ni khan world number 19 Roberto Bautista Agut lakah 6-4, 6-4 a chak loin Shanghai Rolex Masters semifinal aṭanga hnawhchhuah a ni.

Semifinal inkhel dangah world number 2 Andy Murray chuan France tlangval Gilles Simon lakah 6-4, 6-3 a hnehna changin kumina a vawi 10 nan final a lut. Britain number 1 Murray hian tun season-a a nomawi parukna beiseiin nimin tlai khan Bautista Agut a hmachhawn leh a, result kan hre hman lo.

Kum 29-a upa Djokovic chuan, "Hun rei tak chhung ṭha taka khelh reng chu a harsa a ni. Tun hnaiah beisei phak lo mah ila ka beidawng lo. Kan hma lawkah Paris leh London-ah inelna kan hmachhawn zui leh dawn a, ṭha zawka khel chhuak thei tura inbuatsaih hun a ni," tiin a sawi.