MBL Auction Muanawma leh Manajit-te an to

Mizoram Badminton League Season 2 atana auction chu Grand Hotel-ah Zirtawpni zan khan neih zawh a ni a, rin lawk ang ngeiin Mi-zo-ram number 1 RK Manajit Singh leh number 2 Lalmuanawma chu lei theih dan manto berin Mission Veng leh Champhai ten an lalut.

Club panga Saron Veng, Tuikual, Edenthar, Mission Veng leh Champhai ten lilamnaa an lak theih zat player pali (Men's player - 2, Women's - 1 leh 35+ Men's - 1) ṭheuh an ziak lut a, club-te hian an mamawh belh dan a zirin player an la ziak lut leh thei bawk.

Auction hi MBA honorary secre-tary H. Lalnunsiama'n a kai^-hruai a, RK Manajit Singh hmangin lilamna hi ṭan a ni. Nikuma Manajit-a chah chhuaktu Saron Veng leh Mission Vengin Tripura lam chhuak shuttler la lut tur hian Rs 25,000 an seng huam a, player duhthlannaah a innghat. Mizoram number 1 Ma-najit-a'n Saron Veng hnu-chhawnin Mission Veng a thlang.

Mizoram number 2 Lalmuan-awma hi Men's category-ah inziak lut mah se 35+ Men's doubles a khelh theih bawk avangin Manajit ai pawha hlu zawk hiala ngaih a ni. MBL1-a Hlimen champion puitu shuttler Muanawma hi club thar Edenthar leh Champhai ten an inchuh a, Aizawl khaw pawn club awmchhun Champhaiin Mizoram number 2 an chang.

MBL Player Auction Kimchang

# Hming Chhanna Zat

Saron Veng

1 R. Lalbiaksanga Rs 10800

2 M. Joseph Rs 4100

3 Lalduhzuali Rs 3000

4 K. Lalrinnunga Rs 3000

Tuikual

1 Lalduhawma Rs 10000

2 H.Lalawmpuia Rs 8000

3 Lalrinzuali Rs 7000

4 Lalbiakmawia Rs 6500

Edenthar

1 Zarzokima Rs 6000

2 Samuel Lalnunmawia Rs 19000

3 F. Vanlalhriatpuii Rs 4000

4 Lalthanliana Rs 4000

Mission Veng

1 RK Manajit Singh Rs 25000

2 Lalhlimpuia Rs 4000

3 Hmingthianghlimi Rs 3000

4 Albert Lalnunhlima Rs 3000

Champhai

1 Lalmuanawma Rs 25000

2 K. Zodinmawia Rs 4000

3 Ponty Lalramtluangi Rs 3000

4 Lalthlamuana Rs 3000