Flying Christabel MPL Under 18-ah West Warrior, Zo United, Chhinga Veng, BVT an chak

Flying Christabel Mizoram Premier League Under 18-ah Chanmari West FC-in bul an ṭan ṭha a, Round 1-ah team ṭha ber niin an lang. West Warrior bakah hian Zo United, Chhinga Veng leh Bethlehem Vengthlang FC ten hnehna an chang bawk.

Enkawla Show

Chanmari West-in MPL U18 bik atan 1st Bn MAP Aca--demy nen inremna an siam a, West Warrior U18 hi MPL U18-a a team enkawl vawi hnih champion pui tawh Lal-ramhluna'n a ho tihna a ni.

MPL danah Under 18 player-te hi MPL U18 bakah District FA hnuaia club dang pakhata an khelh phalsak an ni. West Warrior U18 hi 1st Bn MAP Football Academy lama mi deuh vek an ni a, an khingpui Ramhlun North FC U18 te hi Aizawl DFA hnuaia third division lama mi an ni.

Ramhlun North-in minute 20-na lekah Lalchhuanmawia Hauzel hmangin hma hruai mah se West Warrior chhaih khawltu chauh a ni. Chanmari West tan forward Lalenkawla a inlar a, Serchhip rawlthar hian hattrick a siam bakah Ramhlun North tlarhnung a rum ṭhaih ngun hle. Chak nemngheh nan Chanmari West-in Lalremruata hmangin injury time-ah goal lina an khung leh bawk.

Inkhel dang

Vawi hnih champion tawh Chanmari FC chu mak angreng takin jersey eng nen an rawn inlar a, an vanneihpui lo. Zo United-in hun chanve hmalam leh hnu lama Zonunmawia goal hmangin Chan-mari FC 2-0 in an hneh a, in-khela chungnung zawk an chak.

Chhinga Veng FC-in an senior te phuba lak sakin Aizawl FC chu Lalhmangaihsanga goal hmangin an hneh.

Inkhel tawp berah Bethlehem VT U18-in an senior team-te khelh ṭhat chhunzawmin Dinthar FC chu 3-1 in an hneh a, BVT tan hian C. Lalrintluanga, Michael Lalṭanpuia leh Joel Lalmuanpuia ten goal an khung.

Results & Fixtures

ROUND 1 - RG Stadium

Chanmari West FC 4 - 1 Ramhlun North FC

CWFC: Lalenkawla 29', 39', 66'; Lalremruata 90+3'

RNFC: Lalchhuanmawia Hauzel 20'

Zo United 2 - 0 Chanmari FC

ZUFC: Zonunmawia 37', 89'

Aizawl FC 0 - 1 Chhinga Veng FC

CVFC: Lalhmangaihsanga 19'

Dinthar FC 1 - 3 Bethlehem VT

DFC : Jeffrey Lalmalsawma 68'

BVT : C. Lalrintluanga 47'; Michael Lalṭanpuia 66'; Joel Lalmuanpuia 81'

ROUND 2 - RG Stadium

October 21, Zirtawpni

7:00 AM BVT FC Vs Chanmari West FC

9:00 AM Ramhlun North FC Vs Aizawl FC

October 22, Inrinni

7:00 AM Chhinga Veng FC Vs Zo United FC

9:00 AM Chanmari FC Vs Dinthar FC