Germany-ah Spurs an zin dawn

Zanin dar 12:15 hian Tottenham Hotspur chuan Champions League group stage match khel turin Bayer Leverkusen an lenchilh dawn a, chak tur zawk rinthiam a harsa hle.

Mauricio Pochettino-a enkawl Tottenham Hots-pur-in Manchester City an hneh hnu lawkah West Brom an lenchilh a, chak thei dinhmuna ding zawk ni chungin point khatah an lungawi a ṭul.

Argentine manager hian Baggies an hma-chhawn hma hian Cham-pions League khelh turin a hmuah avangin player a siksawi nual tur thu a sawi a, mikhual khelmualah September Premier League Player of the Month Son Heung-minat leh Eric Dier te chu bench lamah a dah a, zaninah player pahnih hi inlan tura beisei an ni.

South Korean striker Son hian season hmasa ṭan dawn khan Bayer aṭangin Spurs hi pound maktaduai 22-in a zawm a, zanin hi White Hart Lane a pan hnua a club hlui a hma-chhawnna hmasa ber tur a ni ang. Bayer player tan an striker hriatchian hi ven uluk a ṭul dawn - tun sea-son a match sarih a in--lan-ah goal nga a khung tawh.

Team pahnih intawn awm chhun hi November 2006 Europa League group stage-ah daih tawh khan a ni a, Tottenham hian Leverkusen
aṭanga an lakluh Dimitar Berbatov goal hmangin 1-0 in hnehna an chang. Bulgarian striker sulhnu hi Son-a'n a chhui theih dawn leh dawn loh a lang thuai ang.

Bundesliga club hi hlauthawng tur an ni bik lo - Javier Hernandez an nei tlat! Manchester United striker hian Leverkusen a zawm hnuah season hmasaah goal 26 a khung hnuin tun season-a match riat a inlanah goal sarih a khung leh der tawh.