WTA Finals khel lo tur Serena

Serena Williams chuan karleha khelh tur WTA Fi-nals chu a dar (shoulder) na vangin a khelh loh tur thu a sawi chhuak. German nula Angelique Kerber chuan world number 1 ni chungin season a khar dawn tihna a ni.

World number 2 Serena hi US Open semifinal-a a chak loh hnuah a hliam vang hian a la inkhel leh lo a, hun rei tak chhung a lo ta neih tawh WTA number 1 din-hmun pawh Kerber lakah a chan.

Tour Finals-a vawi nga champion tawh Serena chuan, "Ka inkhel thei lo tur hian mi ti lungngai em em a ni. Ka doctor-in nakkuma ṭha zawka ka inkhelh leh theih nan chawlh ka mamawh thu min hrilh a, thu ka awih a pawimawh," tiin a sawi.

Singapore-ah October 23-30 chhung khian world ranking-a a sang pariat ten WTA Finals hi an khel dawn a ni. Grand Slam vawi 22 champion tawh Serena a inlan theih dawn loh takah chuan world number 9 Johanna Konta chu a inlan thei thung ang.