ATK leh Goa chak zawk an awm lo

Pathianni zan Indian Super League inkhelah FC Goa-in tun season-a an point hmuh hmasak ber an hlawh chhuak a, khualmualah Atletico de Kolkata nen goal khat ve ve khungin an inhnehtawk - Kolkata in match li an khelh tawhah vawi thum an khingpui an inhnehtawkpui tawh thung.

Inkhel ṭan aṭanga minute 6-na lekah Sameegh Doutie chuan goal hmahruai a khung a, mualneitu club hi awlsam takin an chak dawn niin a lang hman. Mahse, ATK-in goal dang an khung chhunzawm lo a, minute 77-naa FC Goa tan Kolkata player hlui Jofre chuan an si phurh sutna goal a khung.

Rabindra Sarobar Stadium, Kolkata-a inkhel boruak sang takah hian ATK midfielder Stephen Pearson chu minute 52-naah hnawhchhuah a ni a, Goa lamin minute riat hnu lawkah midfielder Sanjay Balmuchu chu a yellow card pahnihna avangin an chan ve nghal bawk.

Mimal Lawmman

Emerging Player of the Match Abinash Ruidas, Atletico de Kolkata

Hero of the Match Sameehg Doutie, Atletico de Kolkata

Zanin Inkhel Tur

Delhi Dynamos FC 07:00 PM Mumbai City FC