Arsenal-ah Ozil a nghet

Arsene Wenger chuan Mesut Ozil chu Arsenal-ah a ngheh thu a sawi a, hetihrual hian Germany international thlung nghet tur chuan Gunners hian sum tam zawk an theh chhuah huam a ngaih a rin thu a sawi tel bawk.

Kum 28-a upa Ozil hian Real Madrid aṭanga Arsenal a zawm hnuah player pawimawh a ni chho nghal a, Inrinni zan khan Swansea lakah goal khungin tun season-ah goal thum a khung tawh - North London club tan hian kum 2018 thleng cham turin contract a nei mek.

Arsenal manager Wen-ger chuan, "Mesut hi Emirates Stadium-a cham zel turin thlem kher a ngai lo, a nghet sa a ni. Football hi pawisa chauh a ni lo a, a pawimawh chu hmingṭhat leh nomawi a ni. Kuminah champion turin kan ṭha tawk a, inelna hautak takah kan dinchan theih ka beisei," tiin a sawi.

French manager hian Manchester City, Manchester United, Liverpool, Tottenham leh Chelsea te chu Premier League nomawi chawi thei tur khawpa ṭha an nih vek thu a sawi tel bawk.