Arsenal mikhual tur Ludogorets

Zanin dar 12:15 hian Emirates Stadium-ah Arsenal chuan Champions League group match khel turin Ludogo-rets an lo mikhual dawn. Arsene Wenger-a naute hian Bulgarian club hrim hrim an vawi khat hma-chhawnna tur a ni ang.

A zawna Champions League group stage vawi 19 khel thei Gunners hian an match hmasa berah Paris Saint-Germain 1-1 in an inhnehtawkpui a, striker Olivier Giroud chu hnawhchhuah a ni - France international hian hremna hmang zo tawh mah se a ke zungṭang na vangin a dinhmun a la chiang lo.

PSG an draw hnuah Arsenal hian Theo Wal-cott-a goal hnih hmangin Swiss club Basel chu 2-0 in an hneh, England forward hian kartawp Premier League inkhelah Swansea lamah goal hnih a khung leh bawk avangin zaninah pawh hian Gunners hmachhuan tur a ni ang.

Season ṭan nia Liver-pool 4-3 a an hneh loh hnuah Arsenal hi an chesual tawh lo a, a zawnin match 10 chhung hneh loh nei loin an kaltluang tawh. Hliam vangin Per Mertesacker, Carl Jenkinson, Aaron Ram-sey, Giroud leh Dan-ny Welbeck te la in-lan thei dawn lo mah se khualmuala a match hnuhnung pariata goal nga khung thei Alexis Sanchez an la neih avangin an zam lo ang - ani pui tur hian Mesut Ozil a awm bawk.

Bulgarian title a zawna vawi nga an lak hnuah Ludogorets hian qualifying-ah goal 15 zet an khung leh a, group stage-ah erawh beisei an phak rih lo - Basel nen an inhnehtawk hnuah PSG an ngam lo. Ludogorets tan tun ṭum hi England-a an vawi hnih zinna tur a ni a, 2014/15 group stage-ah khan khualmualah Liverpool 2-1 in an lo va hneh lo tawh.

Group A inkhel dang-ah France champion PSG chuan Swiss club ṭha Basel an lo mikhual dawn bawk. Group pa-khat aṭangin team pahnihin last 16 an lut dawn a, hmahruaitu hian group danga pahnihna an hmachhawn dawn avangin Arsenal nena inel PSG tan chetsual a thiang bik lo.