Serie A match 1000 khel thei Palermo

Italian club hlun Palermo chuan Thawh-lehni zan khan Serie A match 1000 an khel tling ta a, mellung pawimawh an phun niah hian Torino lakah 4-1 in an tlawm thung.

Roberto De Zerbi-a naute hian tun hnaiah result ṭha an nei hleithei lo a, league match-ah a zawnin vawi li an tlawmna a ni chiah. Tun season match riat khelh tawh a-
ṭang-in point ruk chiah an la hmu a, league table-ah 18-na niin an hnuaiah Empoli leh Crotone chiah an awm.

De Zerbi chuan, "Team ṭha tak kan khel tih chu phat tur a awm lo, chutihrualin goal li ngawt kan chhuah avangin a lungngaihthlak hle. Kan rilru puthmang kan la thlak lo tih a chiang, tunah kan insiam ṭhat nghal a ngai ang," tiin a sawi.