Kar riat chawl tur Robertson

Premier League club Hull City defender Andrew Robertson chu kartawp inkhela Bournemouth 6-1 a an hneh loh ṭuma a chawn hliam vangin kar riat chhung a inkhel thei dawn lo.

Kum 22-a upa Ro-bertson hian tun season-ah Hull tan inelna hrang hrangah match 10 a khel tawh a, league match pariatah la inlan kim vekin an player pawimawh a ni.

Hull chuan, "Andy Robertson chu a hliam vangin chawlh kar riat chhung a inkhel thei dawn lo. A hliam a dam thuai theih nan leh ṭha taka a lo kir leh theih nan duhsakna kan hlan," an ti.

Mike Phelan-a en-kawl Hull hian player inhliam nei nual chungin season bul an ṭan fuh hle, mahse tun hnai an match hnuhnung pangaah vawi li ngawt an chak loh avangin league table-ah 16-na an ni mek.