Icardi-a'n ngaihdam a dil

Inter Milan striker Mauro Icardi chuan a chanchin ziahna lehkhbua fan-te a sawisel vanga club-in pawisa an chawi-tir hnuin ngaihdam a dil a, a lehkhabua fan-te sawiselna chu thai bo a nih theih nan hma a lak tur thu a sawi.

Kum 23-a upa striker lakah hian Inter fan-te chuan Cagliari laka 2-1 a an tlawm ṭumin an lungawi lohna an lantir tawh a, a captain armband hlih sak tura club hruaitute ngenin banner an keng chhuak hial.

Argentine striker chuan, "Chhungkuaah chuan inhriatthiam loh chang a awm ve fo ṭhin a, ka thuziak khan mi tam tak rilru a tina tih ka hria a ni. Mahse, hmalam en chunga engkim theihnghilh tum hi a finthlak a, a ngai ang khan engkim ṭha taka a kal ka beisei. Ka thil tih avangin ngaihdam ka dil a, club hmalakna zawng zawng pawh ka pawm a ni," tiin a inthiam lo hle.

Serie A match riat an khelha goal ruk khung tawh Icardi hian February 2015-a Sassuolo an hneh loh ṭuma fans lungawi lo a intihbuai puina lamah a player puiten an ngaihsan thu a lehkhabuah hian a ziak a, Cagliari lakah hian penalty pet goal loin fan-te chuan a lawm nan kut an beng hial a ni.