Leicester-in hremna an pumpelh

Premier League champion Leicester City-in Champions League-a FC Copenhagen an mikhualna inkhelah Danish club fan-ten phal loh halmawi hal mah se mualneitu Foxes-in hremna an tuar dawn lo.

Europe-a football thuneitu sang UEFA dan leh hraiah chuan mikhual fan-ten stadium-ah phal loh thil an kenglut a nih chuan mualneitu club hrem theih a ni a, hremna pumpelh tur chuan UEFA hmaah venhimna an kalpui dan chiang takin an pholan a ngai.

UEFA chuan Leicester hian venhimna an kalpui ṭha tawkah an ngai a, Copenhagen fan-te chet danah Leicester-in mawh an phur lo an ti. Danish club erawh an fan-te chet dan chungchangah UEFA chuan a chhui dawn thung a ni.