AFC Cup final-ah Al-Quwa

Iraq Air Force Club, Al-Quwa Al-Jawiya tia hriat lar chuan Lebanese club Al Ahed chu 3-2 in an hneh a, inkhel hmasa zawkah 1-1 a an lo inhnehtawk pui tawh bawk avangin inkhel pahnih belhkhawmah 4-3 a chak zawk niin final an lut.

Lebanese defender Nour Mansour chuan penalty aṭangin Al Ahed tan goal hmahruai khung mah se second half-ah an lamah a ti lut. Air Force tan AFC Cup khelh meka goal 14 khung tawh Hammadi Ahmad leh Bashar Rasan ten goal khung bawkin Lebanon club tana Hassan Chaito goal khat khung vein awmzia a nei tawh lo.

Nizan khan Bengaluru FC chuan semifinal dangah champion lai Johor Darul Ta'zim an hmachhawn a, an result kan hre hman lo. Final hi Qatar khawpui Doha-ah November 5 khian khelh tur a ni ang.