Suresh Raina la inlan thei dawn lo

Indian batsman Suresh Raina chu vawiin chawhnu dar 1:30-a New Zealand nen ODI match an khelh turah a la inlan thei dawn lo. Kum 29-a upa batsman hi match hmasa zawkah pawh dam lohna avangin a inlan thei tawh lo a, tun thlengin ala dam chiang thei lo.

Raina tel loin India erawh an buai phah lo tura ngaih a ni. Dharamsala-a an match hmasa zawkah India hian awlsam takin wicket rukin hnehna an chang a, Feroz Shah Kotla, New Delhi-a inkhel turah pawh an inringtawk hlein a rinawm.

India hian Black Caps hi test series-ah 3-0 in an sawp hlim a ni a, ODI series hi match nga khelh tura ruahman niin match hnuhnung ber hi October 29-ah khelh tur a ni. India hian match hmasa zawkah hnehna an chan avangin 1-0 in hma an hruai mek.