Real tan Modric a rinawm

Luka Modric chuan Real Madrid tan kum hnih daih contract thar a ziak, kum 2020 June thla thleng Santiago Bernabeu-ah hun a hmag dawn tihna a ni.

Croatia international hi a contract neih lai hi kum 2018 thleng daih a ni a, tunah kum 31-a upa a nih tawh avangin a ṭhat lai chuan Spanish club ni lo club dang tan a khel hman tawhin a rinawm loh.

Modric hian Totten-ham aṭangin August 2012 khan Real Madrid hi a zawm a, player langsar rual zingah a pawimawh ber pawl ni phakin inelna hrang hrangah a club tan hian match 180 a khel tawh. Champions League nomawi bakah UEFA Supercup pahnih, FIFA Club World Cup, Copa del Rey leh Supercopa de Espana te a chawi tawh.

Dinamo Zagreb
aṭanga bulṭantu Modric hi tun dinhmunah chuan hliam vangin a chawl mek, Champions League group match hmasa bera Borussia Dortmund nen 2-2 a an inhnehtawk ṭumin a khup a ti na a; October thla tir khan a hliam hi zai niin a la inkhel thei rih lo.

Champions League nomawi kawltu Real Madrid hian kar hmasa khan midfielder Toni Kroos chu kum ruk chhung daih contract thar an lo ziahpui tawh bawk.