Chawimawi tur zingah Bolt leh Farah

International Association of Athle-tics Federations (IAAF) chuan kumin chhunga mipa leh hmeichhia mahni infiamna huanga cheṭha ber thlan chhuah tur hming a tarlang a, Jamaican sprinter Usain Bolt leh Great Britain long distance runner Mo Farah te chu hming langsar an ni.

Olympic gold medal pakua ngawt la tawh Bolt hian Beijing leh London-a a lo tih tawh angin Rio Olympic-ah khan 100m, 200m leh 4x100m relay-ah te gold a la vek. Kum 33-a upa Farah pawh hian an rama a lo hlawhtlin tawhna 5,000m leh 10,000m title chu Brazil-ah khan a humhim nawn ve leh bawk.

Hmeichhe hming chhawp chhuah zinga langsar pakhat chu Caster Semenya a ni. Olympic 800m champion Semenya hian Rio-ah khan gold a dawng a, 800m inelna bikah hian London-ah khan silver medal a lo dawng tawh bawk. Mipa leh hmeichhe lawmman dawng thei hi mi 10 ve ve chhawp chhuah an ni a, December thla hian Monaco, France-ah result puan a ni ang.

Mipa

Infiammi Ram

Usain Bolt Jamaica

Thiago Braz Brazil

Ashton Eaton USA

Mo Farah GB

Eliud Kipchoge Kenya

Conseslus Kipruto Kenya

Omar McLeod Jamaica

David Rudisha Kenya

Christian Taylor USA

Wayde van Niekerk South Africa

Hmeichhia

Infiammi Ram

Almaz Ayana Ethiopia

Ruth Beitia Spain

Vivian Cheruiyot Kenya

Kendra Harrison USA

Caterine Ibarguen Colombia

Ruth Jebet Bahrain

Sandra Perkovic Croatia

Caster Semenya South Africa

Elaine Thompson Jamaica

Anita Wlodarczyk Poland