Silva a chhuak mai thei - agent

Thiago Silva-a aiawhtu Paulo Tonietto chuan a player chuan Paris Saint-Germain aṭanga sawmna duhawm a dawng thuai a nih loh chuan a chhuah mai theih thu a sawi chhuak.

Kum 32-a upa Silva hian French champion tan hian tun season tawp thleng chiah hi con-tract a nei tawh a, tun thlengin contract thar chung-chang-ah inbiakna an la nei lo.

Tonietto chuan, "Silva hmalam hun ngaihtuah hi thil pawimawh a ni a, club leh player tan tih fel thuai a ṭha. Club hian chelh an duh a nih chuan kan ngaihtuah ang. Amah hian Paris hi nuam a ti em em a, mahse thil engmah chiang a la awm lo - December thlaah chuan kan chinfel hman ka beisei," tiin a sawi.

Brazil captain hlui Silva hian kum 2012 khan Italian club AC Milan a-
ṭangin PSG hi a zawm a, inelna hrang hrangah match 160 khel tawhin French Ligue 1 nomawi vawi li a chawipui tawh.