Milan-in Fabregas an duh

Italian club AC Milan chuan Chelsea midfielder Cesc Fabregas lakluh an duh a, Spanish midfielder chhuah leh chhuah loh turah erawh Blues manager Antonio Conte a pawimawh ang.

Arsenal captain hlui hian Barcelona aṭanga Chelsea a zawm hnuah player pawimawh a ni ṭhin a, Jose Mourinho kaihhruaina hnuaiah Premier League nomawi a chawi hial. Mahse, manager thar Conte hnuaiah a khel phak lo mek.

Kartawp inkhela Chelsea-in Leicester City an hneh kha a hmunah Milan chief executive Marco Fassone leh sporting director Massimiliano Mirabelli ten an en - anni hian Fabregas an thlithlai ngei nia sawi a ni.

Kum 29-a upa Fabregas hian London-a chen a duh nia sawi a ni a, hetihlai hian Arsenal 3-0 a an hneh loh hnuah Blues tan a la inlan leh miah loh avangin a inkhelh tam theihna tur hmun a pan hrehin a rinawm loh.