FA-in Mourinho insawifiah turin an ti

England-a football thuneitu sang ber Football Association chuan Man^-chester United manager Jose Mou-rinho chu Liverpool nen an inhma-chhawn hmaa referee tur Anthony Taylor chungchang a sawi avangin insawifiahna nei turin an hriattir.

Manchester khaw chhuak Taylor hi Anfield-a inkhel tura referee tura ruat a nih khan sawiselna nasa tak a awm a, heng sawiselna avang hian Portuguese manager chuan Taylor hian pressure na tak a neih tur thu leh United tan a hlauhthawnawm zawk thu a sawi. FA-in dan leh hrai a neihah manager ten inkhelh ṭan hmain referee chungchangah
ṭawngkam an neih a thiang lo a, FA chuan Mourinho hi dan bawhchhiat vangin Zirtawpni thleng insawifiahna hun an pe ta a ni.

Referee lar tak ṭhin Howard Webb chuan, "Mourinho hian hrem ngei a phu a ni. Manchester emaw Liverpool fan-ten social media lama an thusawi a ni satliah lo a, Mourinho hian dan hre sa reng chunga ti lui a ni. Referee chungchang a sawi chhan pawh referee rilru tibuaia hlawkna tel tum vang a ni a, a ṭha lo a ni," tiin kum 53-a upa manager chu hrem ngei tur a nih thu a sawi.