Djokovic leh Murray an inṭhen

Novak Djokovic leh coach Andy Murray te chuan an thawhdunna an ti tawp - French Open an khelh hunah chuan Murray hian Djokovic hi a enkawl dawn tawh lo tihna a ni.

Tun season ṭan dawn khan Djokovic leh Murray te hi an thawkdun ṭan a, sulhnu an neih ṭhatna Australian Open an khelh dawn pawhin an phur hle, mahse hliam vangin Djokovic hi a inkhel tluan thei lo.

A hnu lamah beisei an phak lo zui a, season hman laiah Djokovic hian nomawi a la chawi miah lo. Player a nih laia Grand Slam vawi thum champion Murray hi coaching lamah chuan a la ropui rih lo a ni.

Thawhdunna an tih tawp thu sawiin Djokovic chuan, "Thla ruk chhung chu court chhung leh a pawnah kan thawkdun a, a thawkrimin hma ka sawn theih nan a bei ngawrh em em, ka tana a thil tih te avangin ka lawm," tiin a sawi.