Gauff lakah Raducanu a chak lo

Coco Gauff chuan Italian Open nomawi chawi tumin kawng dik a zawk zel. Thawhṭan zan last 16 inkhelah American star hian Emma Raducanu chu 6-1, 6-2 a hnehin quarterfinal a in vaw kai.

British nula Raducanu tan hian clay court hi hmun ṭha a ni ngai lo. Rome khawpuiah hian a zawnin match thum a chak ve hman a, clay bikah a chak zawn rei ber ṭum a ni hial. Mahse, Gauff hneh tur chuan a ṭang tlang zo ta lo.

Seeded palina Gauff chuan, "Emma hi player ṭha leh hmachhawn harsa tak a ni, a inkhelh thiam lo deuhna hmunah pawh hnehn a harsa. Madrid Open kan khelh lai ai khan inrintawkna ka nei sang tawh a, ka vanneih phah ta zawk a ni," tiin a sawi.

Inkhel dangah Naomi Osaka pawh a chak lo. Japanese star hian Peyton Stearns chu 6-4, 3-6, 7-6 (7/4) in a hneh lo a, tun hnaia a khelh ṭhatna chu a chhawm nung thei rih ta lo a ni.

World number 1 hlui Osaka hian fa a neih avangin hun rei tak chhung a inkhel mumal lo a, fa a neih hnuah hmanni khan a vawi khat nan nomawi a chawi, atan kawng a inhawng chho leh dawn niin a lang.

Italian Open hi French Open inbuatsaihna zinga mi a ni a, nomawi chawi piah lamah clay court lian atana inbuatsaihna a nih miau avangin player zawng zawng tan a pawimawh hle.