Last 16-ah Alcaraz leh Sinner an lut

Carlos Alcaraz leh Jannik Sinner te chuan Italian Open khelh laiah last 16 an inhlangkai a, champion lai Alexander Zverev pawh a lo tlang tawh a, inelna a hmuhnawm chhunzawm zel dawn tih a chiang.

Rome khawpuia inkhelah Spanish star Alcaraz hian Laslo Djere chu 7-6(2), 6-2 in a hneh. Grand Slam vawi li champion tawh hian a match lehpekah chuan Karen Khachanov a tum ang - Khachanov hian Francesco Passaro chu 6-3, 6-0 in a lo hneh ve thung a ni.

Thla hmasa a khelh zawh tak Barcelona Open-ah khan Alcaraz hi a inhliam a, chumi hnuah tun ṭum hi match vawi hnih a khelh lehna chauh a ni; a tir lamah inkhel thunun vek lo mah se set hnuhnung zawkah erawh buaina a nei lo.

Inkhel dangah Jannik Sinner chuan Jesper De Jong chu 6-4, 6-2 in a hneh. Thla thum chhung inkhel thei loa hrem ni mah se Sinner hian a thiam a la theihnghilh lo a, a lo kir leh hnua tournament hmasa berah a khel ṭha nghal hle.

Australian Open khelh zawh hnuah Sinner hi hrem a ni a, thla thum chhung hrem ni mah se French Open hmain hremna a hmang zo a, an hrem chhungin Grand Slam khelh tur a awm lo, atan chanchin ṭha a ni ngei ang.