NBA player Towns-a nu a thi
Covid-19 vangin Jacqueline Cruz chu Thawhlehni khan a thi, kum 58 mi a ni. Jacqueline hi NBA team Timberwolves tana khel lai centre Karl-Anthony Towns-a nu a ni.
March thla khan Towns-a hian a nu hian hri leng a kai thu hi social media lamah a tarlang a, hri vanga thla khat chuang a damloh hnuah a thi. Towns chhungkua chuan an nu thihna hi an tawrh nat thu an sawi.
Towns chhungkua chuan, "Jackie hi nu nih tling, chhungkaw tan ṭhian ṭha, nu, fanu, unaunu, nutei leh engkim ni kawp vek a ni. Min kal san hi na kan ti a, chhungkaw tana a inpekna leh hlutna hi kan theihnghilh lo ang," an ti.
American tlangval Karl-Anthony Towns hi 2015-16 season khan NBA Rookie of the Year atan thlan a ni a, a thiam zual thlan chhuah All-Star zingah pawh vawi hnih an thlang tawh.