Fellaini a dam tawh
Manchester United midfielder hlui Marouane Fellaini chu coronavirus vanga damdawi in a awm reng hnuah dam takin a chhuak ve leh ta a, "Ka hun tawn harsa ber chu ka hnuchhawn ta," tiin a dam thu hi a sawi.
Belgium international hi March 22 khan Covid-19 a kai tih hmuhchhuah a ni a, China-ah kar thum zet enkawlna a dawn hnuin dam taka chhuahtir a ni ve leh ta a ni.
Kum 32 mi midfielder chuan, "Ka thinlung zawng zawnga medical staff-te hnena lawmthu sawi hun chu a thleng ta a, ka club Shandong Luneng-in min enkawlnaah ka lawm em em bawk a ni," a ti.
Fellaini hian England-ah Everton leh United tan khela season 11 a hman hnuin February 2019 khan China hi a pan a ni. Chinese media ten an tarlan dan chuan Belgian midfielder hian hri inkai chhawn theih enkawl lama thiam bik Jinan damdawi inah enkawlna a dawng a ni.