December-ah Joshua Inhnek dawn chiang

British boxer Anthony Joshua promoter Eddie Hearn-a'n a boxer chuan December-a Wladimir Klitschko a hmachhawn lo a nih pawhin IBF heavyweight title humhim tura boxer tu emaw ber a hmachhawn tur thu a sawi.

Kum 27-a upa Joshua leh Klitschko hian a thu phung chuan inhnek an remti tawh a, mah se kum 40-a upa Klitschko hian Tyson Fury-a kalsan tak WBA leh WBO title-a pakhat zawk tal inchuh a beisei a, heivang hian WBA emaw WBO official lam aṭanga remtihna an la nghah phawt a ngai a ni.

Eddie Hearn chuan, "December-a hma-chhawn theih tur ang boxer dang pawh kan dawr mek a, hetihrual hian IBF belt chauh pawh inchuh tur nise Klitschko hian Joshua hmachhawn hi a thlan zawk kan ring a ni," a ti.

Ukrainian boxer hian Joshua hi a hmachhawn dawn lo a nih chuan Ger-many-ah WBO kawng-hren inchuh turin New Zealand boxer Joseph Par-ker a hmachhawn ang. Eddie Hearn chuan Klitschko chuan Germa-ny-a inhnek awl-sam tak hmachhawn ai chuan Joshua hmachhawn ngei a duh zawk a rin thu a sawi.