An coach hlui hamchhawn tur Ivory Coast

Champion lai Ivory Coast chuan kum 2015 Africa Cup of Nations nomawi chawp puitu coach Herve Re-nard chu group mtach-ah an hmachhawn dawn.

Nakkum Janaury 14 aṭanga February 5 chhunga khelh tur 2017 Africa Cup of Nations-ah hian ram 16 an inel dawn a, group paliah
ṭhen hran niin an inkhelh kual hnuah a sang pahnih zelin quarterfinal an lut ang.

Ivory Coast hi Group C-ah awmin an coach hlui Renard-a enkawl Morocco bakah Togo leh DR Congo te nen an awm ho. Inelna thlengtu Gabon chu Group A-ah Cameroon, Guinea-Bissau leh Burkina Faso te nen an awmho thung. Gabon hian tun hma lamin hnuhma langsar nei tam lo mah se tun hnaiah an striker Pierre-Emerick Aubameyang chu Bundesliga lamah a lansarh em avangin beiseina an neih san phah ngei ang.

Kum 1982 hnua a vawi khat nana champion leh tum Ghana hna a awlsam dawn lo, anni hian group match-ah vawi sarih champion tawh Egypt, Mali leh Uganda te an hmachhawn dawn a ni. 2017 African champion ram hi Russia a khelh tur 2017 FIFA Confederations Cup atan an tling nghal dawn a ni.

2017 Africa Cup of Nations draw

Group A : Gabon, Cameroon, Guinea-Bissau, Burkina Faso

Group B : Algeria, Senegal, Zimbabwe, Tunisia

Group C : Ivory Coast, Togo, Morocco, DR Congo

Group D : Ghana, Uganda, Egypt, Mali.