PV Sindhu chak nghal

Rio Olympics silver medallist PV Sindhu chuan Brazil-a hnuhma hraw tak a hnutchhiah hnua a match hmasa berah He Bingjiao a hneh nghal.

Denmark Open first round inkhelah Indian shuttler hian Chinese nula lakah hian harsatna nei loin 21-14, 21-19 in hnehna a chang, second round-ah chuan world number 12 Sayaka Sato a hmachhawn leh ang. Sindhu hian nikum khan Denmark-ah hian final a lo lut tawh a, kuminah beiseina a nei sang hle.

Hyderabad nula Sindhu hian inkhelh ṭan hmain Olympic a sulhnu avang khan inrin-tawkna a neih belh thu a sawi lawk tawh a, hei hi court chhungah pawh lang nghalin dinhmun hlauh-thawnawmah a ding miah lo a ni.

Mipa singles lamah Ajay Jayaram chuan Boonsak Ponsana lakah 21-15, 21-16 in hnehna a chang nghal a, Indian shuttler dang S. Praneeth erawh Tanongsak Saensomboo lakah 17-21, 21-19, 21-15 in an chak lo nghal thung.