Naupangte tan Rafael Nadal

Spanish tennis star Rafael Nadal chuan an khua Mallorca-ah naupang kum 12-18 inkar inzirna turin tennis academy a hawng. Hawnna hunah hian Grand Slam vawi 17 champion tawh Roger Federer pawh a inlan.

Naupang tennis zirna hmunah hian Nadal-a coach Toni Nadal bakah agent Carlos Costa te chu zirtirtu an ni ang a, infiamna bakah hian lehkha zirna a awm nghal ang. Hei mai bakah hian United States-ah thlunzawm pui an neih avangin scholarship pawh an dawng thei dawn a ni.

Grand Slam vawi 14 champion tawh Nadal chuan, "He hmuna academy ka hawng thei hi ka lawm a, coach, naupang leh ṭhianṭha te nen hun hlimawm tak kan hmangho thei hi nuam ka tiin min ti hlim hle. Naupang inkhel hi hmuh nuam ka ti a, kawvela coach ṭha ber Toni Nadal-a'n a zirtir thei tur hi an vannei ka ti hle," tiin a sawi.