Mirza leh Hingis inkawp leh dawn

Grand Slam vawi ruk champion tawh Sania Mirza leh nikum lama a lo ṭan dun pui ṭhin Martina Hingis te chu WTA Finals doubles championship-ah an inkawp leh dawn.

Indo-Swiss duo hi tunah ṭang dun tawh lo mah se WTA Finals doubles champion lai an ni a, an nomawi humhim turin karleha khelh tur hmeichhe ranking-a a sang zual inelnaah an inlan dun dawn a ni.

India star Mirza hi tun kara ranking chhuak tharah khan hmei-chhe doubles-ah number 1 a nih chhunzawm zel a, a zawnin chawlh-kar 80 chhung zet he hmun hi a luah tawh. India hmeichhe zingah hetiang dinhmun luah thei hmasa ber a ni a, mipa player Leander Paes leh Mahesh Bhupathi te chuan mipa doubles-ah number 1 nihna an lo chelh tawh thung.

Kum 29-a upa Mirza leh Hingis te hi August thla khan an inṭhen a, season hmasa leh tun season tir lam an ṭan dun lai khan nomawi 14 zet chawi dunin heng zingah hian Grand Slam nomawi pathum a tel nghe nghe.