China coach tur Lippi

Italian chanchinbu lar Corriere dello Sport chuan kum 2006 World Cup-a Italy champion puitu Marcello Lippi chu China coach thar a nih tur thu an tarlang. Chinese FA chuan an coach Gao Hongbo-a'n banna a thehluh avangin Italian manager hi an ram team enkawl turin an duh a ni.

Juventus a enkawl laia Serie A nomawi panga leh Champions League nomawi pakhat chawi thei coach hi China ramah a mikhual lo. Kum 2012-14 chhung khan Chinese club ṭha Guangzhou Evergrande chu a lo kaihruai tawh a, Chinese Super League-a vawi thum a champion pui bakah Chinese FA Cup leh AFC Champions Lea-gue nomawi a lo chawi tawh bawk.

China hian AFC World Cup qualifier khelh mekah match li khelin point khat chiah an la hlawh chhuak a, Syria laka 1-0 a an tlawm ṭumin fans tam tak lungawi lo chuan coach ban tura Chinese FA an nawr avangin coach nilai Hongbo chuan ama thuin banna a thehlut a ni.