Messi ropuina faktu Enrique

Barcelona coach Luis Enrique chuan Manchester City laka hattrick siamtu a forward Lionel Messi chu school naupang ho zinga inkhel ang maia a thiam fal thu a sawi. Spanish coach chuan, "Messi kha buaina nei miah loin a khel a, game-a thil pawimawh a thlen dawn kha chuan a inrawlh zel a, school naupang zinga inkhel ang maiin awlsam tak takin goal a khung a ni," a ti.

City boss Guardiola nena Barca tana khel dun ṭhin Enrique chuan sawi chhunzawmin, "Messi hi a hliam dam hnu lawka lo kir leh a ni a, mah se a khelh dan aṭang kha chuan hliam damkawr a ni tih a hriat loh reng reng. Game tinah hian Messi chuan nuamti takin a khel zel a, a thiamna hi hmuh hmaih a ni ngai lo," tiin Argentina captain chu a duh ang taka a khelhchhuah zel theih thu a sawi.