MSN-in goal 103 khung tawh

Kum 2016-ah Barcelona tana Lionel Messi, Luis Suarez leh Neymar te goal khung zat belhkhawm chu goal 103 zet ni tawh mah se thla hnih chuang hret chauh khelh tur a la awm avangin kum 2015-a MSN goal khung zat 137 chu khum a har tawh khawp ang.

Kuminah Messi hi inhliam vangin a inlan tam tawk lo a, Neymar lah ram tana Olympic a khelh avangin season bul a ṭan ve lo. Kumin bikah Suarez-a'n goal 42 khung tawhin Messi (40) leh Neymar (21) ten an pahnih belhkhawmin goal 61 an khung tawh bawk.

Manchester City lama hattrick a siam leh tak avangin Messi-a'n Champions League-ah hattrick vawi sarih a siam ta a, amah hnaih bertu Cristiano Ronaldo aiin vawi hnihin a siam tam zawk. Champions League-a goal khung tam lamah erawh Ronaldo a chungnung zawk a, Portugal captain hian goal 95 khung tawhin Messi-a'n goal 89 a khung.

UEFA hnuaia club inelna hrim hrimah Real Madrid forward hian 98-92 in goal khung tam lamah Messi lakah hma a hruai bawk.