MPL transfer a hot; Foreigner lâk intihhmuh?
MPL3 leh MPL4-a Aizawl FC champion chhan inzawt ila, "An foreigner-te vang," tih hi mi tam tak chhanna a ni ang - Indian football-ah chuan foreigner hi danglamna thlentu an ni leh ṭhin!
Mizorama football inelna sang ber Mizoram Premier League hi season li khelh a ni tawh a, amaherawhchu kumin ang renga transfer ngaihnawm hi a la awm ngai lo.
Aizawl FC-in foreigner pahnih an kawl mek a, Chhinga Veng-in pakhat an nei bawk.m Dinthar FC-in foreigner an la tawh a, an la zawn belh zel a, Chanmari FC leh Ramhlun North pawhin foreigner neih a pawimawhzia an hria a, an zawng mek niin a lang.
BVT an mawi
Lalbiaksanga Colney hoten point 16 an hmu tawh a, semifinal lut turin point tam an mamawh tawh lo. Transfer laiin Lalnumawia an lakluh thu an tichiang tawh a, mak angreng tak chu Assam Rifles nen friendly match an khelhin H. Malsawmtluanga leh Laldinliana Varte te chu inkhel bul ṭantir a ni.
Zo United duo Mala leh Dina Varte te hian MPL5-ah BVT jersey an ha zui a nih chuan BS-a Colney hote hi an tlo ngei a rinawm - foreigner an melh lo a, Mizo player ṭha lak belh an tum.
CFC leh AFC
Chanmari FC-in season tawp thlirin foreigner pahnih an lalut dawn tih a chiang tawh a, an inlan ṭan hun tur tak erawh la chiang lo thung - an boruak a lian sawt ang.
Foreigner tel lo pawha hmahruai mektu BVT sawp thei Chanmari FC hi player ṭha zawkin an belh hunah chuan champion rinkai an ni chho leh ang.
Aizawl FC erawh foreigner pahnih nen Chhangphut Field-ah an mualpho a, Nigerian international hlui nia inchhal Benjamin Onone chu player naran hnuai ang maia a khawsak avang leh a inhliam zui avangin a thlakna tur an zawng nia a hriat a ni. Champion lai AFC hian Mizo player ṭha I League lama tawnhriat nei tawh an lalut dawn tih thawm a awm.
West Warrior leh Zo United
Chanmari West coach HC Zarzoliana chuan Vanglaini palai hnenah team ṭha zawk nena an rawn inlar tur thu a sawi a, foreigner lam an sawi ri lem lo. Team balance nei ṭha tak an ni a, foreigner tluk zeta pawimawh fans nei ṭha tura ṭan lak an tum thung.
Zo United coach Vanlalrova chuan chhungkaw lam avangin Vanglaini palai hnenah a hna a chawlhsan thu a sawi a, tun season hi he club-in Phase 1 an hman ṭhat ber ṭum a nih avangin coach thutlukna (?) hi a mak hle.
Season dangah chuan Zo United hi Round 7 zawhah tlak hlauhawmah an awm ṭhin a, kuminah erawh panganaah awmin semifinal lut turin an dinhmun a la ṭha hle. Reitlang FC hming pu
ṭhin Zo United coach thar tur tan hmabak a la êng hle tihna a ni - player lut leh chhuak an neih nual hmel.
MPL kaithar
MPL harsatzia tichiangtu chu Chhinga Veng FC an ni a, anni hian player ṭha an khawm chung pawhin result ṭha neih an harsat. Chhinga Vengin foreigner an neih belh hnuah Chhangphut Field-ah an chak lo a, an goal chhuah chhana tisualtu pawh an Nigerian defender thar a ni nghe nghe.
Ramhlun North coach Lalruatliana Sailo-in Chhinga Veng an hneh zawhah, "Vawi khat chak hian team dinhmun hi a dang vek thei a, chuvang chuan semifinal kawng hi a la inhawng a ni," tiin Vanglaini palai a hrilh. Tawia hote hian foreigner an zawng mek niin sawi a awm bawk.
Hei le Dinthar!
Dinthar FC-in Nigerian defender Balogun Hammed an lalut tawh a, Nigerian midfielder dangin MPL mawngphaha awm mek hi a zawm leh thuai bawk ang.
MPL club hlun ber zinga mi Dinthar hian Mizoram league sang ber chhuahsan an duh lo a, an team dinhmun an hriat bawk avangin state pawn player an melh bawk. MPL-a goal ruk khung tawh Cho Tsering Lepcha-a'n Dinthar FC hi a zawm a nih pawhin thilmak a ni tawh lo a, Zo United (Reitlang) striker hlui hi Lammualah kan hmu leh dawn niin lang.
Khelh hun thlak
MPL5 hi Round 8 aṭang chuan tlai lam inkhel hi tlai dar 3:00-ah khelh a ni tawh dawn a, office leh school bang te pawhin an en hman tawh ang. Zan lam inkhelh hun erawh a hun ngai dar 7:00-ah thoa kick off tura ruahman a ni.
MPL5 semifinal first leg hi December 1 & 2-ah khelh a ni dawn a, December 8 & 9-ah semi final second leg khelh ni thung ang. MPL5 final hi December 16, 2016-a khelh tura ruahman a ni.
MPL4 aṭangin semi final hi dah ṭan a ni a, MPL5-ah pawh hian semi final hi double leg-a khelh tur niin final erawh vawi khat chiah khelh a ni ang.
MPL3 leh MPL4-a Aizawl FC champion chhan inzawt ila, "An foreigner-te vang," tih hi mi tam tak chhanna a ni ang - Indian football-ah chuan foreigner hi danglamna thlentu an ni leh ṭhin!
Mizorama football inelna sang ber Mizoram Premier League hi season li khelh a ni tawh a, amaherawhchu kumin ang renga transfer ngaihnawm hi a la awm ngai lo.
Aizawl FC-in foreigner pahnih an kawl mek a, Chhinga Veng-in pakhat an nei bawk.m Dinthar FC-in foreigner an la tawh a, an la zawn belh zel a, Chanmari FC leh Ramhlun North pawhin foreigner neih a pawimawhzia an hria a, an zawng mek niin a lang.
BVT an mawi
Lalbiaksanga Colney hoten point 16 an hmu tawh a, semifinal lut turin point tam an mamawh tawh lo. Transfer laiin Lalnumawia an lakluh thu an tichiang tawh a, mak angreng tak chu Assam Rifles nen friendly match an khelhin H. Malsawmtluanga leh Laldinliana Varte te chu inkhel bul ṭantir a ni.
Zo United duo Mala leh Dina Varte te hian MPL5-ah BVT jersey an ha zui a nih chuan BS-a Colney hote hi an tlo ngei a rinawm - foreigner an melh lo a, Mizo player ṭha lak belh an tum.
CFC leh AFC
Chanmari FC-in season tawp thlirin foreigner pahnih an lalut dawn tih a chiang tawh a, an inlan ṭan hun tur tak erawh la chiang lo thung - an boruak a lian sawt ang.
Foreigner tel lo pawha hmahruai mektu BVT sawp thei Chanmari FC hi player ṭha zawkin an belh hunah chuan champion rinkai an ni chho leh ang.
Aizawl FC erawh foreigner pahnih nen Chhangphut Field-ah an mualpho a, Nigerian international hlui nia inchhal Benjamin Onone chu player naran hnuai ang maia a khawsak avang leh a inhliam zui avangin a thlakna tur an zawng nia a hriat a ni. Champion lai AFC hian Mizo player ṭha I League lama tawnhriat nei tawh an lalut dawn tih thawm a awm.
West Warrior leh Zo United
Chanmari West coach HC Zarzoliana chuan Vanglaini palai hnenah team ṭha zawk nena an rawn inlar tur thu a sawi a, foreigner lam an sawi ri lem lo. Team balance nei ṭha tak an ni a, foreigner tluk zeta pawimawh fans nei ṭha tura ṭan lak an tum thung.
Zo United coach Vanlalrova chuan chhungkaw lam avangin Vanglaini palai hnenah a hna a chawlhsan thu a sawi a, tun season hi he club-in Phase 1 an hman ṭhat ber ṭum a nih avangin coach thutlukna (?) hi a mak hle.
Season dangah chuan Zo United hi Round 7 zawhah tlak hlauhawmah an awm ṭhin a, kuminah erawh panganaah awmin semifinal lut turin an dinhmun a la ṭha hle. Reitlang FC hming pu
ṭhin Zo United coach thar tur tan hmabak a la êng hle tihna a ni - player lut leh chhuak an neih nual hmel.
MPL kaithar
MPL harsatzia tichiangtu chu Chhinga Veng FC an ni a, anni hian player ṭha an khawm chung pawhin result ṭha neih an harsat. Chhinga Vengin foreigner an neih belh hnuah Chhangphut Field-ah an chak lo a, an goal chhuah chhana tisualtu pawh an Nigerian defender thar a ni nghe nghe.
Ramhlun North coach Lalruatliana Sailo-in Chhinga Veng an hneh zawhah, "Vawi khat chak hian team dinhmun hi a dang vek thei a, chuvang chuan semifinal kawng hi a la inhawng a ni," tiin Vanglaini palai a hrilh. Tawia hote hian foreigner an zawng mek niin sawi a awm bawk.
Hei le Dinthar!
Dinthar FC-in Nigerian defender Balogun Hammed an lalut tawh a, Nigerian midfielder dangin MPL mawngphaha awm mek hi a zawm leh thuai bawk ang.
MPL club hlun ber zinga mi Dinthar hian Mizoram league sang ber chhuahsan an duh lo a, an team dinhmun an hriat bawk avangin state pawn player an melh bawk. MPL-a goal ruk khung tawh Cho Tsering Lepcha-a'n Dinthar FC hi a zawm a nih pawhin thilmak a ni tawh lo a, Zo United (Reitlang) striker hlui hi Lammualah kan hmu leh dawn niin lang.
Khelh hun thlak
MPL5 hi Round 8 aṭang chuan tlai lam inkhel hi tlai dar 3:00-ah khelh a ni tawh dawn a, office leh school bang te pawhin an en hman tawh ang. Zan lam inkhelh hun erawh a hun ngai dar 7:00-ah thoa kick off tura ruahman a ni.
MPL5 semifinal first leg hi December 1 & 2-ah khelh a ni dawn a, December 8 & 9-ah semi final second leg khelh ni thung ang. MPL5 final hi December 16, 2016-a khelh tura ruahman a ni.
MPL4 aṭangin semi final hi dah ṭan a ni a, MPL5-ah pawh hian semi final hi double leg-a khelh tur niin final erawh vawi khat chiah khelh a ni ang.
# Team Pld W D L GF GA GD Pts
1 Bethlehem VT 7 5 1 1 8 5 3 16
2 Chanmari FC 7 4 2 1 14 6 8 14
3 Chanmari West 7 4 1 2 10 5 5 13
4 Aizawl FC 7 3 1 3 7 5 2 10
5 Zo United 7 1 4 2 3 6 -3 7
6 Ramhlun North 7 2 1 4 6 10 -4 7
7 Chhinga Veng 7 1 2 4 9 13 -4 5
8 Dinthar FC 7 0 4 3 6 13 -7 4
ROUND 8
October 24, Thawhtanni
3:00 PM Chanmari West Vs Ramhlun North
7:00 PM Zo United Vs Chanmari FC
October 25, Thawhlehni
3:00 PM Aizawl FC Vs Chhinga Veng
7:00 PM Dinthar FC Vs BVT FC