BVT-in West Warrior chelh

Flying Christabel Mizoram Premier League Under 18-ah Chanmari West FC-in an match hmasa bera Ramhlun North FC 4-1 zeta an sawp hnuah nimin zing khan Bethlehem Vengthlang FC lakah goal thum khung hmasa mah se an humhim zawh loh avangin point khat bak an hmu lo.

RG Stadium-a inkhel dangah Aizawl FC-in an zia an chhuah chho a, Ramhlun North FC 3-0 a hnehin point thum an hlawh chhuak.

West Warrior-in Zakaria Lalhriatpuia leh Lalṭhakima te hmanga hma an hruai hnuah an captain Lalrinpuia chu hnawhchhuah a ni a, player 10-a khel chungin minute 61-naah Lalruatfela hmang-in goal thumna an khung. Amaherawhchu Joel Lalmuanpuia goal hnih hmangin BVT-in beiseina an rawn nei a, hun tawp dawna senior team tan pawha inlan tawh K. Lalmalsawma penalty hmangin an siphurh an sut zo.

Inkhel hnuhnung zawkah Aizawl FC tan Lalhriatpuia'n goal hnih a khung bakah Ramhlun North player HC Marshal-a'n an lama a tihluh bawk avangin AFC-in point thum an hlawh chhuak.

Vawiin hian inkhel pa-hnih a awm dawn a, zing dar 7:00-ah point thum hmu tawh Chhinga Veng FC leh Zo United te an inkhel hmasa ang. Zing dar 9:00-ah MPL U17 final hmasa pahniha inhmachhawn Dinthar FC leh Chanmari FC te an inkhel leh ang, sulhnu nei ṭha club pahnih hian point an la hmu lo.

Nimin Inkhel Results

Bethlehem VT 3 - 3 Chanmari West

BVT : Joel Lalmuanpuia 62', 69'; K. Lalmalsawma 86' (P)

CWFC : Zakaria Lalhriatpuia 14'; Lalthakima 34'; Lalruatfela 61'

Ramhlun North FC 0-3 Aizawl FC

AFC : Lalhriatpuia 32', 68'; HC Marshal 61' (OG)

Vawiin Inkhel Tur

7:00 AM Chhinga Veng FC Vs Zo United FC

9:00 AM Chanmari FC Vs Dinthar FC