Rinnunga'n silver medal a dawng

Weightlifter Jeremy Lalrinnunga chuan 2016 IWF Youth World Championship-ah silver medal a dawng. Penang, Malaysia-a neih he inelnaah hian Govt. Complex rawlthar hi 56kg category-ah khelin snatch -127 kg, Clean & Jerk -235 total -235 kg a chawi a, a tluk loh hi China rawlthar niin ani hian total-ah 248 a chawi thung.

Kum 1999 - 2003 inkara piang chin mipa leh hmeichhe inelna Youth World Championship hi category hrang hrang 15-ah ṭhen-hran niin tum ṭumah hian Rinnunga hi Mizo kal awmchhun a ni.

Kumin February thla a neih 11th Youth Sub-Junior Boys & Girls National Weightlifting Championship-ah khan SYS aṭanga bulṭantu Rinnunga hian snatch -90 kg, Clean & Jerk -108 total -198 kg chawiin gold medal a la a, National Sub-Junior record thar snatch-ah a siam tawh.

Army Boys, Pune-a training nei Rinnunga hi IWF Youth World Championship bakah hian October 25-29 chhunga neih tur Commonwealth Youth, Junior & Senior leh November thla a neih tur Asian Youth & Junior Tokyo-ah te inlan zui bawk ang.