MPL5-ah naupang tam zawk

Mizoram Premier League Board, October 20, 2016-a ṭhukhawm chuan MPL5 khelh hmabakah sikul naupang school uniform hate a thlawna inkhel en an phalsak tur thu an puang.

Kum 2017-a India-in FIFA Under 17 World Cup a thlen tura inbuatsaih nan AIFF leh Sports Ministry-in India rama naupangte hnena football tihlar zelna tura programme an duan bawhzuina atan, MPL5-ah hian sikul naupangte hnenah football chawi lar zelna tura hmalaknaah school uniform hate chu inkhel en man chawi loa an luh phalsak an ni dawn.

Sikul ban a hma tawh a, inkhelh ṭan hun sawn tlai a nih bawk avangin sikul banah en man chawi ngai loin Lammualah MPL en turin sikul nau-pang-te an lut thei dawn a ni.