Lewis Hamilton a beidawng?

Lewis Hamilton chuan a teammate Nico Rosberg lakah Formula 1 nomawi a kawl lai chu a chan a nih pawhin 'mipa' taka a pawm thiam tur thu a sawi chhuak.

Formula 1 season kal mekah Mercedes driver Rosberg hian Hamilton lakah point 33 zetin hma a hruai fal tawh a, intlansiak hmabak pali la neiin Pathianni zan 12:30 hian Austin-ah US Grand Prix an tlan ang - intlansaik hmabak pali an la neih aṭang hian pakhatna ni thei tan chuan point 100 zet hmuh tur a la awm.

Britain driver Hamilton chuan, "Inelna zawng zawngah hnehna chan vek theih a ni lo a, nomawi hloh pawh hi infiamnain a ken tel a ni - eng nge lo thleng dawn chu lo thlir rawh u," tiin a sawi.

Kum 31-a upa Ha-mil-ton chuan sawi chhun-zawmin, "Ka nomawi ka hloh palh a nih pawhin buaina tur a awm lo, kan chak lohna leh ṭhat tawk lohna lai en nawnin season tharah a ṭha zawka kir leh ka tum ang," a ti.

US Grand Prix hi kum 2012 aṭanga neih ṭan a ni a, intlansiak hnuhnung paliah Hamilton hian vawi thum ngawt hnehna changin tuna an intlansiak leh turah pawh hian beisei-na a neih san thu a sawi.