Elton Brand a chawl ta

Philadelphia 76ers forward Elton Brand chuan Ningani khan kum 17 chhung zet a lo chenchilh tawh NBA inelna chu a chawlhsan thu a puang.

American star hian basketball a khelh hun chhungin match 1,058 a khel a, heng zinga match 868-ah chuan inkhel bul ṭantu zingah a tel phak. Team hrang hrang Chicago Bulls, Los An-geles Clippers, Dallas Mave-ricks, Atlanta Hawks leh 76ers tan te a inlan tawh.

NBA All-Star atan ṭum hnih thlan a ni a, heng-ah hian chawlhrualin point 15.5 bakah 8.5 rebounds, 2.1 assists leh 1.7 blocked shots nei anga chhut a ni.

Kum 37-a upa Brand chuan, "Hun rei tak chhung ka lo chenchilh tawh leh ka thisena bet tlat tawh ka kalsan dawn a, a lunglen thlak takzet. Ka tan chuan NBA season 17 hun ka hman chhung kha zin kawng ngaihnawm leh theihnghilh tawh ngai loh tur a ni," tiin a sawi.