Russian sports minister a kaisang

Hming chhiatna leh buaina tam tak kara leng mek Russian sports minister Vitaly Mutko chu a dinhmun aṭanga kaisantir a ni. President Vladimir Putin chuan Mutko hi deputy prime minister for sports-ah a kaisan tir bakah tourism leh youth politics a chan tel tir bawk.

World Anti-Doping Agency (WADA) chuan Russia hian sorkar hriat-puina ngeiin an infiammite chu damdawi hman phal loh an hmantir bakah an hriselna an endikna result ṭhenkhat chu dik lo takin an kalpuiah an ngai a, hei vang hian Russian athlete-te chu Rio Olympic-a tel lo vek turin an duh hial - Mutko pawh hi Brazil zin lo tura tih a ni nghe nghe.

Mahse, International Olympic Committe (IOC) chuan an dan leh hrai zawm famkim thei chin chu Rio Olympic-ah hian a tel tir ta tho a, gold 26 lain a pum-puiah palina an ni phak.

Russia hming chhiat-na avang hian Mutko-a anti-doping adviser Nataliya Zhelanova leh an thawhpui pakhat Yuri Nagornykh te chu hrem lailawk an lo ni tawh a, tunah erawh beisei loh takin chanchin lawmawm lamin a deng ta zawk a ni.