Sindhu a chak lo

Rio Olympics silver medallist Pusarla Venkata Sindhu chuan Brazil a-ṭanga a rawn haw hnua inelna a hmachhawn hma-sak berah beisei a phak lo. Indian shuttler hi Denmark Super Series premier second round-ah Sayaka Sato hneh loin a tla.

Ningania inkhelah In-dian shuttler hi world number 12 Sato nen dar-kar khat leh minute nga chhung zet an inkhelh hnuah 13-21, 23-21, 18-21 in a tlawm. Hyderabad nula hi karleha khelh tur French Open-ah a inlan zui nghal ang.

Kum 21-a upa Sindhu a chak loh bakah Indian mipa shuttler Ajay Jayaram leh HS Prannoy te pawh Ningani hian an chak lo nghal a, Denmark Super Series-ah hian Indian shut-tler an tla kim vek tawh.

Karhmasa Dutch Open final-a chak zo lo Jayaram chu 21-23, 15-21 in Chinese tlangval Shi Yuqi lakah a chak lo a, inkhel dangah Prannoy chu seeded pakhatna Lee Chong Wei lakah 10-21, 20-22 in a tlawm ve bawk.