Nadal tan season a tawp

Grand Slam vawi 14 champion tawh Rafael Nadal chu a banrek na duhthusama a la dam chian theih loh avangin tun season chhung chu a inkhel tawh dawn lo, Nadal hian a tan season a tawp thu leh beiseina nen season thar a thlir thu a sawi nghal.

Kum 30-a upa Nadal hi a banrek na vang hian French Open aṭangin a lo inhnukdawk tawh a, hai vang hian Wimbledon pawh a khel thei lo zui. Rio Olympic-ah khan lo kirin Marc Lopez nen Spain tan doubles-ah gold medal an la a, singles-ah erawh medal dawng lo chiahin palina a ni thung.

Nadal chuan, "Olym-pic-ah khan inbuatsaihna nei ṭha hman loin ka inlan a, tun thlengin duh-thusama ṭhain ka la khel chhuak thei lo. Tunah chuan chawlh a hun tawh a, season thar lo awm tur nghakhlel taka lo thlir hi ka tih theih a ni tawh rih," a ti.

Nadal hian inelna pathum Swiss Indoors, Paris Masters leh ATP Finals te a khel dawn lo tihna a ni a, tun thla tira khelh zawh tak Shanghai Masters second round-a Viktor Troicki a hneh loh kha kumina a match hnuhnung ber a ni ta a ni.