Kum tawpah MPL6 Qualifier

MPL Board chuan kumin ral hma ngeiin MPL6 Qualifier khelh zawh hman an tum a, Playoff pawh kum 2016 chhung ngeia zawhfel hman tum a ni bawk.

MPL khel tur zawnna qualifier-ah hian District FA pariatten club pahnih
ṭheuh an thawh thei a, club-te hian MPL criteria an zawm erawh a ṭul thung. District FA ten November 15, 2016 hmain an district aṭanga MPL6 Qualifier khel tur zat an thehluh a ṭul dawn a, football league khelh laklawh an nei a nih pawhin a tel tur zat bik hi chu MPL Board hnenah an hriattir a ṭul ang.

MPL Qualifier-ah hian club-te hi vawi khat ṭheuh an inkhel kual a, chumia point hmu sang ber chuan MPL an khel ang. Qualifier-a pahnihna tan Mizoram league sang ber kawng a la inhawng tho a, pahnihna hian MPL5-a pasarihna nen double legged playoff hmangin MPL khel tur an zawng leh dawn a ni.

Season liam ta khan qualifier-ah Ramhlun North FC champion-in MPL khel turin an inpekai a, Playoff-ah Chhinga Veng FC-in MPL4 pasarihna Luangmual FC hnehin Mizoram league sang ber khel turin an inpetling ve bawk.

MPL5 Qualifier-ah Ramhlun North-in Chhinga Veng an hneh a, MPL5 Champhaia khelhah pawh Ramhlun North tho an chak