2023 finalist Tlangnuam an chak

LBS Suzuki CYMA Football-ah inelna hnuhnung ber finalist Tlangnuamin nimin khan Sesawng 13-3 in an sawp a, an player neih ṭhat Kiran Chhetri te an chhawr tel lo chung pawhin team ṭha an ni tih an nemnghet.

Tlangnuam tan hian ISL player Jerry Lalrinzuala'n captain armband a hreng a, midfield laiah awmin team innghahna a ni a, goal khung lam erawh Laltluangzela kutah a awm. Tluangzela hian goal nga a khung a, Jerry leh Laldingpuia ten goal hnih ve ve khungin; Ramtiammawia, Vanrammawia, K. Vanmalsawma leh Lalrinchhana ten goal khat ṭheuh an khung.

Chite Playground-a inkhel dangah New Serchhip Chhekhnaiin Meidum 10-0 in an sawp a, Lalthuthlunga'n hattrick a siam bakah Lalrinzuala Hauhnar, Lalawmawma Bawihtlung leh Lalsangzela ten goal hnih ṭheuh an khung. New Serchhip Chhekhnai hian thapui an thawh lo a, Meidum lakah zahngaihna an lantir.